დიდი ბრიტანეთის სეზონი საქართველოში მოიცავდა 60-ზე მეტ ღონისძიებას, რომლებიც სამი თვის განმავლობაში გრძელდებოდა. 2019 წლის სექტემბრიდან დეკემბრამდე პერიოდში სეზონის ფარგლებში აქტივობები ჩატარდა როგორც თბილისში, ბათუმში, ქუთაისში, ისე სხვაგან, მთელი საქართველოს მასშტაბით.
დიდი ბრიტანეთოს სეზონი წარმოაჩენდა თანამედროვე, მრავალფეროვან და გლობალურ თანამშრომლობაზე ორიენტირებულ ბრიტანულ კულტურას, სპორტს, განათლებასა და ბიზნესს. სეზონმა ასევე ხაზი გაუსვა დიდ ბრიტანეთსა და საქართველოს შორის არსებულ მტკიცე მეგობრობას.
ჩვენი მთავარი აქცენტი გაკეთდა ბრიტანეთისა და საქართველოს საერთო ღირებულებებზე და სეზონის მიმდინარეობისას განსაკუთრებული ყურადღება დაეთმო მრავალფეროვნებასა და ინკლუზიას.
ჩვენ მჭიდროდ ვითანამშრომლეთ ბრიტანელ და ქართველ პარტნიორებთან, რათა ჩვენი სეზონის საშუალებით ღირსეულად აღგვენიშნა გაერთიანებულ სამეფოსა და საქართველოს პარტიორობის სიმტკიცე, ძლიერი მხარეები.
სეზონის მთავარი მამოძრავებელი ძალა იყო ახალგაზრდობა. ჩვენი ახალგაზრდული ბორდი აქტიურად მონაწილეობდა პროგრამის შემუშავებაში, რათა სეზონს რეალურად აესახა ახალგაზრდების ინტერესები საქართველოში.
სეზონის საშუალებით ჩვენ განვაახლეთ და კიდევ უფრო გავაღრმავეთ დიდი ბრიტანეთისა და საქართველოს მრავალწლიანი მეგობრობა მომავალი თაობისთვის.