ბრიტანული მუსიკალური ინდუსტრიის 6.5 პროცენტიანი ზრდა 2020 წელს ძირითადად გამოწვეული იყო ციფრული მაუწყებლობის სერვისებით, რაც მთლიანი შემოსავლის 80 პროცენტს შეადგენდა (ინფორმაციის წყარო: Entertainment Retailers Association, UK). ამავე დროს ჩამოტვირთული თუ ფიზიკურად გაყიდული პროდუქციის შემოსავალი მნიშვნელოვნად შემცირდა იმ აკრძალვების გამო, რომლებიც პანდემიას მოყვა. ანალოგიურად ცოცხალი წარმოდგენების სექტორმაც დიდი დარტყმა მიიღო 2020-ში, დაახლოებით 80 პროცენტიანი შემოსავლის ვარდნით, რის გამოც უამრავმა შტატგარეშე თუ სრული დატვირთვით მომუშავე ადამიანმა დაკარგა სამსახური (ინფორმაციის წყარო: Live Industry Association).

რა გავლენა  მიახდინა ამ ცვლილებებმა მუსიკალური ინდურსტიის მომავალ ფორმაირებაზე? რა წარმატების ისტორიები დგას მაუწყებლობის (სტიმინგის)  ამ მზარდი ციფრების მიღმა? როგორ მოახერხეს მუსიკის სფეროს პროფესიონალებმა, ხელოვანებმა და მუსიკოსებმა შეენარჩინებინათ პროდუქტიულობა და ეზრუნათ საკუთარ მორალურ და ფსიქოლოგიურ კეთილდღეობაზე ამ მძიმე სტრესულ გარემოში? როგორ ინარჩუნებდნენ კავშირს თავიანთ აუდიტორიასთან, მსმენელთან? სწორედ ამ და სხვა საინტერესო კითხვებს გასცემენ პასუხს პროფესიული ინდუსტრიის ონლაინ ფორუმზე „Selector PRO“, რომელიც 2021 წლის 12-14 თებერვალს გაიმართება.

ჩვენ ერთად შევკრებთ ბრიტანული მუსიკალური სცენის წამყვან სახელებს მსოფლიოს 15 ქვეყნის (დასავლეთ ბალკანეთის, ამიერკავკასიის, თურქეთის, უკრაინის, რუსეთის, ისრაელის და ცენტრალური აზიის) პროფესიონალებთან ერთად. ეს ონლაინ ღონისძიება უფასოა და ღიაა ნებისმიერი მსურველისთვის, ვისაც კი ამ სფეროში ჩართულ  თანამოაზრეებთან დაკავშირება აინტერესებს. თქვენ მოგეცემათ შესაძლებლობა მონაწილეობა მიიღოთ ვორკშოპებში, პანელ დისკურიებში, დაამყაროთ პროფესიული კავშირები.

ჩვენ განვიხილავთ 2020 წლის პერიოდის წარმატების ისტორიებს სხვადასხვა სფეროდან; მაგალითად: რიკ სალმონი (ATC Management-ის დირექტორი ბრიტანული კომპანიის Driift გენერალური დირექტორი ) ისაუბრებს ლორა მარლინკის უახლესი სტრიმების წარმატებასა და ნიკ ქეივის შოუზე „Idiot Prayer  Alexandra Palace-ში. იური ბაზაკა (kontrabass promo, უკრაინა) აუდიტორიას გაუზიარებს საკუთარ ონლაინ ფესტივალის ჩატარების გამოცდილებას, მან სულ რაღაც რამდენიმე კვირაში მსოფლიოს სხვადასხვა ქვეყნიდან შეკრიბა ხელოვანები ონლაინ და 200 000-ზე მეტი მაყურებელი მოიზიდა. აშოტ დანიელიანი (Ilkhom rock fest, უზბეკეთი) ისაუბრებს იმაზე, თუ როგორ შექმნა კულტურათაშორისი თანამშრომლობის პრეცედენტი მიუხედავად 2020 წელს მიმდინარე შეზრუდვებისა.

ფორუმის მიმდინარეობისას სხვა ღონისძიებებს შორის მნიშვნელოვანია გამოვყოთ სალი-ენ გროსის ( მუსიკალური ბიზნესის მართვის სამაგისტრო  კურსის ხელმძღვანელი ვესტმინსტერის უნივერსიტეტიდან, ბრიტანეთი) ღია მოხსენება მუსიკოსების მენტალური/ფსიქიკური ჯანმრთელობის თემაზე, სწორედ ამ სფეროში აქვს მას ნამუშევარი ინტენსიურად საკუთარი კარიერის მანძილზე.  ქრის ქუქი (Complete Music Update-ის თანადამფუძნებელი და მმართველი დირექტორი, ბრიტანეთი) ჩაატარებს ვორკშოპს მუსიკალურ ბიზნესში სათანადო შემოსავლების მოზიდვაზე, მოიყვანს მაგალითებს საკუთარი წიგნიდან „Dissecting the Digital Dollar“. ჩვენ ასევე ვრცლად მიმოვიხილავთ  აუდიტორიის მოზიდვას, ჩართულობას, სინქრონიზაციის  კუთხით არსებულ შეთანხმებებზე, მუსიკალური ინდუსტრიის ბიზნესის და ეკოლოგიის მდგრადობაზე.

ფორუმი მონაწილეებს დაეხმარება იპოვონ თანამოაზრე ბიზნესპარტნიორები ურთიეთობების დამყარების ციფრულ სესიებზე ყურადღების ფოკუსირებით. ჩვენი პლატფორმის ინსტრუმენტები და ფუნქციები დაგეხმარებათ საუკეთესოდ წარმოაჩინოთ საკუთარი თავი და თქვენი შემოქმედებითი კონცეფცია.

ფორუმზე დასწრება უფასოა.

თქვენ უნდა დარეგისტრირდეთ აქვე, რათა მიიღოთ  რეგისტრაციის მონაცემები და ინსტრუქცია როგორ ისარგებლოთ ონლაინ შეხვედრების სივრცით.

პროგრამაში მითითებული ყველა ღონისძიება მოცემულია თბილისის დროით (UTC +4hrs)

12 თებერვალი

დრო ღონისძიება
14.00 - 15.00 ძირითადი სესია: 2020 წლის დიდი მუსიკალური ისტორიები 
15.15 - 16.00 დისკუსია: როგორ დავაინტერესოთ და ჩავრთოთ აუდიტორია
16.45 - 18.45 ვორკშოპი: ციფრული გაყიდვები
19.00 - 20.00 კონტაქტების დამყარება: შეხვედრა ბრიტანელ ექსპერტთან
21.00 - 22.00 Selector Live: პირდაპირი ტრანსლაცია

13 თებერვალი

დრო ღონისძიება
14.00 - 14.45 კონსულტაციები ბრიტანელ ექსპერტთან
15.00 - 15.45 დისკუსია: 2021 წლის შემოსავლები. რა ვარიანტები არსებობს?
16.00 - 16.45 ღია დისკუსია: ფსიქიკური ჯანმრთელობა
18.00 - 18.45 დისკუსია: მუსიკალური ინდუსტრიის ეკოლოგიური მდგრადობა
18.30 - 20.30 გაცნობა, კავშირების დამყარებამუსიკალური ინდუსტრიის წარმომადგენლებთან

14 თებერვალი

თქვენ შეგიძიათ მიიღოთ წვდომა 12 და 13 თებერვალს ჩატარებულ ყველა სესიაზე და დანიშნოთ შეხვედრები სხვა მონაწილეებთან.

ბრიტანელი სპიკერები

წელს ფორუმის სრულიად ციფრული ფორმატის გამო ჩვენ შევძელით მოგვეწვია 30-ზე მეტი სპიკერი 15 ქვეყნიდან.  აქვე მოკლედ იხილავთ ინფორმაციას ფორუმის რამდენიმე სპიკერის შესახებ, ხოლო ვრცლად სია და ბიოგრაფიები ხელმისაწვდომია ფორუმის პლატფორმაზე.

ჯონ დანი

ჯონ დანმა საკუთარი კარიერა, როგორც დამოუკიდებელმა ფრომოუთერმა 1989 წელს დაიწყო ლონდონიდან მოშორებით მცირე მასშტაბის კონცერტების ორგანიზებით ისეთი ხელოვანებისთვის როგორებიც არიან Radiohead, Oasis, Pulp, Cranberrie და მრავალი სხვა. 2003 წელს იგი ლონდონში გადავიდა და შეუერთდა კომპანიას Live Nation (ადრე ცნობილი იყო, როგორც Clear Channel), სადაც იგი პასუხისმგებელი იყო ინგლისის დიდ ქალაქებში  შოუ-პროგრამების ორგანიზებაზე. მას შემდეგ ის მუშაობს ისეთ არტისტებთან, როგორებიც არიან Arcade Fire, The National, MIA, Anthony and the Johnsons და სხვები. მან დაიწყო 35 000-იანი  აუდიტორიის მქონე ფესტივალების ბუქინდი და კურატორობა მათ შორისაა Latitude, The Big Chill და Electric Picnic. ჯონმა 2013 წელს დატოვა Live Nation და დაარსა Parallel Lines. ამჟამად იგი მხოლოდ ლონდონის ღონისძიებების ფრომოუშენს აკეთებს და მუშაობს 140-ზე მეტ ხელოვანთან, მათ შორისაა: The National, Arcade Fire, Jungle, Glass Animals, Sharon Van Etten, St.Vincent, Future Islands.

რიკ სელმონ

რიკ სელმონი არის ATC Management-ის დირექტორი და  ფასიანი ონლაინ მაუწყებლობის Driift გენერალური დირექტორი. ATC 70-მდე მომხმარებელს უწევს მენეჯმენტს, მათ შორის არიან ნიკ ქეივი, პიფეი ჰარვი, Faithless, ლორა მარლინგი, ჯონი მარი, ტრევორ ჰორნი, ასევე 400-ზე მეტ არტისტისთვის აწყობს ტურებს  ATC-Live  ლაივ განყოფილების საშუალებით. ATC-მდე რიკმა 2007 წელს დაარსა მართვის კომპანია Harvest Entertainment. იგი მუშაობდა ისეთ საყოველთაოდ ცნობილ არტისტებთან, როგორებიც არიან Seal, მორისი და ჯორჯ სტოუნი. 1997-2007 წლებში რიკს ხელმძღვანელი თანამდებობები ეჭირა სხვადასხვა მსხვილ თუ დამოუკიდებელ ჩამწერ სტუდიებში, მათ შორისაა Sony Music, Ministry of Sound  და  Warner Music International. რიკი აგრძელებს მუშაობას უფროს A+R კონსულტანტად რამდენიმე „ლეიბლისთვის“ მაგ. Warner Music-თვის, სადაც ის წერს ალბომებს ცნობილ არტისტებთან (Rod Stewart, The Corrs, Bette Midler, Boyzone, Beverley Knight და მრავალი სხვა).

ქრის ქუქი

ქრის ქუქი არის კომპანიის Complete Music Update (CMU) თანადამარსებელი და მმართველი დირექტორი, ეს ორგანიზაცია ეხმარება ადამიანებს მართონ და უკეთ გაეცნონ მუსიკალურ ბიზნესს. ამას იგი ახორციელებს CMU Daily bulletin, Setlist podcast and CMU Trends მედია საშუალებებით, ასევე მისი ორგანიზაციის საკონსულტაციო განყოფილება და მომავალი ტალანტების პროგრამა. ქრისის საქმიანობა სრულად უკავშირდება მუსიკალურ ინდუსტრიას: იგი წერს, აკეთებს მოხსენებებს და  უწევს კონსულტაციას სფეროს წარმომადგენლებს. კომპანია Complete Music Update და მისი მართვა ქრისის 3CM UnLimite  საქმიანობის მხოლოდ ნაწილია, იგი რეგულარულად აქვეყნებს რეკომენდაციებს ჟურნალებში ThisWeek London-და და ThreeWeeks, რომელიც ედინბურგის ფესტივალს ეკუთვნის.

რებეკა პროჩნიკი

რებეკას გააჩნია აგენტობის 20 წლიანი გამოცდილება. მან კლუბების დაკონტრაქტებით დაიწყო და თავს იღბლიანად თვლის, რომ ყოველთვის ახალ, პერსპექტიულ მუსიკალურ კულტურებთან და საზოგადოებებთან უწევდა მუშაობა. თემატრურად  იგი მუდმივად თანამედროვე და დამოუკიდებელ ხელოვნებას ირჩევს. დროთა განმავლობაში სწრაფად მზარდი სააგენტოს Earth Agency თანამფლობელი გახდა და მუსიკას, რომელზეც მუშაობს უფრო ფართომასშტაბიან ფლატფორმებზე განათავსებს. იგი  წლების განმავლობაში მუშაობს ცნობილ არტისტებთან და ჯგუფებთან (Animal Collective, SOPHIE, Omar Souleyman და Wiley). მისი კლიენტების სიაში ამჟამად არიან Skepta, The Black Lips, Pregoblin, Deerhunter, AJ Tracey, Kode 9, Jme და მრავალი სხვა. რებეკას საქმიანობის შესახებ სრული ინფორმაცია იხილეთ აქვე www.earth-agency.com

სალლი ენ გროსი

სალი არის მუსიკალური ინდუსტრიის პრაქტიკოსი, ავტორი და აკადემიურ საქმიანობასაც ეწევა. იგი არის  ნაშრომის „Can Music Make You Sick- Measuring the Price of Musical Ambition’ თანაავტორი. ეს კვლევა საქველმოქმედო ორგანიზაციამ Help Musicians UK დააფინანსა და ყველაზე ვრცელ ნამუშევარს წარმოადგენს მუსიკალური ინდუსტრიაში ფსიქოლოგიური ჯანმრთელობის მიმართულებით. 1993 წელს ის პირველი ქალი იყო, რომელიც A&R სფეროში მუშაობდა, კერძოდ სტუდიაში Mercury Records. იმავე წელს იგი სათავეში ჩაუდგა მანჩესტერში, მუსიკალური ჯონფერენციის „In The City“ ფარგლებში მოწყობილ  პანელ-დისკუსიას „გენდერი მუსიკალურ ინდუსტრიებში“. სალი ენი მუსიკალურ ინდუსტრიაში სამი ათწლეულის განმავლობაში მუშაობს როგორც არტისტების მენეჯერი, ჩამწერი სტუდიის დირექტორი და საერთაშორისო ბიზნეს ურთიერთობების კონსულტანტი. ამჟამად, ვესტმინსტერის უნივერსიტეტში იგი უძღვება ხელოვნების ბიზნეს მენეჯმენტის სამაგისტრო კურსს.

საერთაშორისო სპიკერები

აშოტ დანიელიანი

აშოტ დანიელიანმა ტაშკენტის უნივერსიტეტი დაამთავრა ძირითადი სპეციალობით - იაპონური ენა და ლიტერატურა. 2000 წლიდან იგი არის ტაშკენტის ინდი როკ ბენდის Origami Wings ფრონტმენი და სიმღერების ავტორი. 2007 წლიდან არის ორგანიზატორი და კოპროდიუსერი ქვეყნის ერთადერთი დამოუკიდებელი როკ ფესტივალისა Ilkhom Rock Fest, რომელმაც ალტერნატიული როკის 50-ზე მეტი არტისტი შეკრიბა ცენტრალური აზიის, სომხეთის, უკრაინის, ჩეხეთის რესპუბლიკის და დიდი ბრიტანეთიდან უზბეკეთში გამოსასვლელად. ხელოვანი, აქტივისტი და არტ-მენეჯერი, 2017 წლიდან მუშაობს მულტიდისციპლინურ, მულტინაციონალურ სახელოვნებო პროექტზე, რომელიც ცენტრალური აზიის ახალგარდებში პოეზიის, მუსიკის, წარმოდგენების, ვიდეო ფოტო და თანამედროვე ხელოვნების პოპულარიზაციას ახდენს - პროექტის სახელწოდებაა „კაცი ტაბურეტით“.

ოლგა უდოვენკო

ოლგა არის „Kultura Zvuka“-ს გუნდის წევრი, კლუბის და სკოლის პროგრამის მენეჯერი. „Kultura Zvuka“-ს პროექტზე მუშაობს დაარსებიდან, უკვე 4 წელია, როცა ჯერ კიდევ Hi-fi აუდიო და ჩამწერი მაღაზია იყო. კლუბის და სკოლის მართვის გარდა ის არის დიჯეი და ცნობილია როგორც დიჯეი უდდა. როგორც არტისტი იგი გამოდის Kultura Zvuka-ს კლუბში ხარკოვში, მაგრამ ასევე მართავს კონცერტებს კიევში, ვენასა და რიგაში, მისი მთავარი საქმიანობა უკავშირდება ფრომო აქტივობებს, კომუნიკაციას არტისტებთან და მათ აგენტებთან, კლუბის ღონისძიებების პროგრამის შედგენას და სკოლის სასწავლო პროგრამას უკავშირდება.

იური ბაზაკა

იური არის  kontrabass promo-ს დამაარსებელი, რომელიც არის ანდერგრაუნდ კულტურის სააგენტო კიევში, უკრაინაში. სააგენტო მუშაობს ადგილობრივ ახალგაზრდა არტისტებთან, აწყობს კონცერტებს, ფესტივალებს და წარმოდგენებს. იგი არის უკრაინის ყველაზე ფართომასშტაბიანი ონლაინ Intercity Live ფესტივალის თანადამაარსებელი, ინიციატორი და აღმასრულებელი პროდიუსერი. პანდემიის დაწყებიდან 18 ქვეყნის 150-ზე მეტი  არტისტი მონაწილეობდა 4 ასეთ ფესტივალში. ამის შემდეგ იური იყო რამდენიმე უკრაინული ფესტივალის მრჩეველი და აღმასრულებელი პროდიუსერი და მათ ონლაინ სტრიმინგში ეხმარებოდა. დღეისათვის იური კოპროდუსერის რანგში უშვებს Zmova-ს YouTube შოუს. Zmova არის პირდაპირ ონლაინ რეჟიმში მიმდინარე შოუები უკრაინული ანდერგაუნდის ბენდების და არტისტების მონაწილეობით, რომლებიც კიევის ცნობილ კულტურულ და ისტორიულ ადგილებში მართავენ წარმოდგენას.

Share this