შემოქმედებითი ინდუსტრიების მეფინგის მხარდაჭერა საქართველოში

კულტურის და შემოქმედებითი ინდუსტრიების განვითარებას საქართველოს სახელმწიფო კულტურის პოლიტიკის დოკუმენტში „კულტურის სტრატეგია 2025“ ერთ-ერთი მნიშვნელოვანი ადგილი უჭირავს 8 პრიორიტეტს შორის.

იუნესკოს  „კულტურა განვითარებისთვის“ მაჩვენებელთა ჩამოყალიბების პროცესში აღმოჩნდა, რომ კულტურისა და შემოქმედებითი ინდუსტრიების წილი მაღალია  საქართველოს ეკონომიკასა და დასაქმებაში და კულტურის წილი ამ მიმართულებით მთლიანი მოცულობის 2.8%-ს შეადგენს, რომელიც შეიძლება მთლიანი შიდა პროდუქტის ალტერნატიულ მონაცემადაც კი ჩავთვალოთ, ხოლო დასაქმებულთა 5.1% საქართველოში სწორედ კულტურის სფეროზე მოდის. თუმცა, ეს მონაცემები არაა ზუსტი და მეტ დეტალურ შესწავლას მოითხოვს.

პროექტი მხოლოდ მეფინგით და კვლევითი სამუშაოთი არ შემოიფარგლება. ასევე დაგეგმილია ტრენინგები, მენტორობა და  ონლაინ კონსულტაციები.

ერთობლივი ძალისხმევით  პარტნიორი ორგანიზაციები მნიშვნელოვნად შეუწყობენ ხელს შემოქმედებით ინდუსტრიებს საქართველოში მათ წინაშე არსებული გამოწვევების  დაძლევაში, რადგან კულტურის და შემოქმედებით სექტორებს უმნიშნველოვანესი როლი აკისრიათ და დიდი პოტენციალი გააჩნიათ ქვეყნის ეკონომიკის განვითარებასა და დასაქმებაში. სწორედ ეს სექტორები ახდენენ ინოვაციების სტიმულირებას მთელი ეკონომიკის მასშტაბით, ისე როგორც სოციალური ცვლილების განხორციელებას სხვადსხვა არხების გამოყენებით (მაგალითად, ფიზიკურ და ფსიქოლოგიურ კეთილდღეობასა და ჯანმრთელობაში, განათლებაში, ინკლუზიაში და ა.შ).