როგორ უნდა დაეხმაროთ ბავშვებს სახლის პირობებში ინგლისურის შესწავლაში: რჩევები და რესურსები

როგორ დავეხმაროთ ბავშვს ინგლისური ენის შესწავლაში სახლის პირობებში: პრაქტიკული რჩევები და სახალისო აქტივობები

თუ თქვენი შვილები ინგლისურს სწავლობენ, სრულიად ბუნებრივია ამაში სახლშიც დაეხმაროთ. თუმცა, ბევრი მშობლისთვის ეს სერიოზულ გამოწვევებს უკავშირდება. მაგალითად, შესაძლოა არ იყოთ დარწმუნებული საკუთარ ცოდნაში ან ინგლისური სიტყვების გამოთქის სისწორეში, გაფერხებდეთ შეცდომების დაშვება. 

კარგი ამბავი ის არის, რომ ჩვენ დაგეხმარებით! შემდეგი მეთოდები და რესურსები დაეხმარება თქვენს პატარებს, გააგრძელონ სასწავლო თავგადასავალი თქვენთან ერთად ხალისიანად და ეფექტურად. 

Აი როგორ.

სასწავლო სივრცე ყველასთვის

ბავშვებისთვის ინგლისური ენის სწავლება სახლში ავსებს გაკვეთილებს, რომლებსაც ისინი უკვე ესწრებიან სკოლაში და ასევე ინდივიდუალურს ხდის მათ გამოცდილებას.

მაშინაც კი, თუ ინგლისურ ენას სრულყოფილად არ ფლობთ, თქვენი ჩართულობა და ენთუზიაზმი არის პირველი და უმნიშვნელოვანესი ნაბიჯი თქვენი შვილისთვის  ენის შესწავლისადმი ინტერესის გასაღვივებლად.

ძირითადი რჩევები

• შეინარჩუნეთ პოზიტიური დამოკიდებულება ინგლისური ენის შესწავლის მიმართ (თქვენი შვილი მაგალითად მიიღებს თქვენს ენთუზიაზმს და მოუთმენლად  დაელოდება თქვენთან ერთად სწავლას). 
• ყოველკვირეულად გამოყავით  დრო ინგლისურ ენაში ვარჯიშისთვის. მნიშვნელოვანია, რომ ეს ახდეს რუტინის ნაწილი, რომელსაც თქვენი შვილები მოუთმენლად დაელოდებიან. 
• თუ რამეს ვერ გებულობთ ან არ იცით ინგლისურად მისი მნიშვნელობა, გამოიყენეთ შესაძლებლობა, ერთად მოიძიოთ, მაგალითად, თქვით: „მოდი ვიპოვოთ პასუხი და დავსვათ რამდენიმე სავარჯიშო შეკითხვა და შევამოწმოთ სწორად გავიგეთ თუ არა“.

შეიმუშავეთ გარკვეული რეჟიმი

სახლში გარკვეული რეჟიმის თუ გრაფიკის შედგენა ან დროის დაწესება ინგლისურისთვის დაგეხმარებათ, სწავლა რეგულარულ ჩვევად აქციოთ. ერთი და იმავე ფრაზების ან ინგლისური სიმღერების პრაქტიკა ჩვევად ექცევა თქვენს შვილს და აგრძნობინებს, რომ ინგლისურის დრო დაიწყო. ხანმოკლე (ძალიან მცირეწლოვანი მოსწავლეებისთვის არაუმეტეს 15 წუთისა), მრავალფეროვანი და სახალისო მეცადინეობები დაგეხმარებათ, შეინარჩუნოთ ბავშვის ყურადღება და ინტერესი ინგლისურის მიმართ.

როდესაც საქმე ინგლისურის სწავლას ეხება, ცოტა და ხშირად კარგად მუშაობს! ინგლისური ენის რეგულარულად გამოყენება მთელი დღის განმავლობაში იმ დროს, როდესაც თქვენი შვილი მას ელოდება, შეიძლება დაეხმაროს სწავლის მრავალფეროვნებას.

შესაძლოა, სცადოთ ინგლისური მოთხრობის მოყოლა ძილის წინ, ან ერთადაც კი იმღეროთ აბაზანის მიღებისას. მეტი იდეებისთვის, მოინახულეთ Sanghera-ს ოჯახის ინგლისური კუთხე.

დააწესეთ თხრობის დრო

ფერადი ნახატებით დასურათებული მოთხრობების კითხვა შესანიშნავი გზაა ინგლისური ენის შესასწავლად, განსაკუთრებით, მყუდრო ატმოსფეროში.

ბავშვები სიამოვნებით უსმენენ ისტორიებს, რომლებიც უკვე იციან. ამ ამბების გამეორება არა მხოლოდ ბედნიერებას ანიჭებს მსმენელს, არამედ შესანიშნავი გზაა ლექსიკისა და წინადადებების სტრუქტურის გადასამეორებლად ნაცნობ და სასიამოვნო გარემოში. 

დაიწყეთ ინტერაქტიული მიდგომით და წაახალისეთ თქვენი შვილი ნახატებთან დაკავშირებით მარტივი კითხვები დასვას, მაგალითად 'Where's the blue dog?' 

გამეორებისას ბავშვები თანდათან უფრო კომფორტულად იგრძნობენ თავს ჩაერთონ ამბის იმ ნაწილების თხრობაში, რომლებიც მათთვის უკვე ნაცნობია.

მათი წარმოსახვის სტიმულირებასთან ერთად, კითხვა ან წაკითხულის მოსმენა საშუალებას აძლევს ბავშვებს განუვითარდეთ მოსმენის უნარები, როდესაც ესმით ინგლისური გრამატიკული ფორმები და ახალი ენა. 

იმღერეთ სიმღერები და წაიკითხეთ ლექსები

სიმღერები და ლექსები თქვენს შვილთან ერთად  ინგლისურ ენაზე შეძენილი ცოდნის გამყარების მარტივი და სასიამოვნო პროცესია . საბავშვო  სიმღერები და ლექსები ბავშვებს ავარჯიშებს ინგლისურ ენაში მახვილის სწორად დასმაში, რიტმისა და ინტონაციის სწორ გამოყენებაშო.

რამდენიმეჯერ მოსმენის შემდეგ ბავშვები ბუნებრივად იწყებენ  ღიღინს ან მღერას. ვიზუალური საშუალების გამოყენება, როგორიცაა ანიმაციური ვიდეო ან თოჯინა, კიდევ უფრო დაეხმარება მათ.

რატომაც არა!, სცადეთ იმღეროთ A bear named Sue თქვენს შვილთან ერთად. შეგიძლიათ, გამოიყენოთ საყვარელი დათუნია და ზოგიერთი ნივთი, რომელიც ნახსენებია სიმღერაში, რაც ორივეს დაგეხმარებათ სიტყვების დამახსოვრებაში.

შეეხეთ ტექნოლოგიას

ახალი აპლიკაციები მრავალმხრივ და ინტერაქტიულ  საშუალებას წარმოადგენს ნებისმიერი ასაკის მოსწავლეებისთვის და ადვილად გამოსაყენებელია ენის შესწავლის უნარების სრულყოფისათვის. 

მობილურით ან პლანშეტით ბავშვებს ადვილად შეუძლიათ ჩაერთონ აქტივობებში და ივარჯიშონ  ლექსიკაში, თვლასა და ფონეტიკაში, ასევე ნახონ ინტერაქტიული მოთხრობები და თამაშები. აქტივობების დაკავშირება ბავშვის სასწავლო თემებთან და ინტერესებთან გააძლიერებს სწავლაში ჩართულობასა და ენთუზიაზმს.

რიცხვების, ფერების, ფორმების, საჭმელის, ცხოველების, საკლასო ოთახის საგნების, სათამაშოებისა და სხვა თემებზე პრაქტიკისთვის და გადასამეორებლად დაათვალიერეთ აპლიკაცია LearnEnglish Kids Playtime.

თქვენი შვილის საყვარელი ინგლისურენოვანი მულტფილმებისა და პროგრამების მოკლე, მარტივი კლიპების ყურება და მოსმენა მარტივი საშუალებაა შეუქმნათ ბავშვებს ინგლისურენოვანი გარემო სახლის პირობებში ეს საშუალებას აძლევს ბავშვებს მოუსმინონ ახალი და ნაცნობი სიტყვებისა და ფრაზების გამოთქმას, ეს ყველაფერი ნაცნობი მულტფილმის კონტექსტში.

ბევრი პოპულარული სატელევიზიო პროგრამისთვის ინგლისურ ენაზე გადახედეთ სტრიმინგის სერვისებს ან ონლაინ სატელევიზიო არხებს თქვენი ადგილმდებარეობის შესაბამისად.

ითამაშეთ თამაშები და ფლეშ ბარათებით

თამაშები სწავლას ცოცხალ, მხიარულ და საინტერესო პროცესად აქცევს. ფლეშ ბარათები შეიძლება გამოიყენოთ მრავალ თამაშში, როგორიცაა: Memory, Snap! და Kim’s game. ფლეშ ბარათების დამზადება ადვილია, თუ შემოქმედებით განწყობაზე ხართ, ან შეგიძლიათ ჩამოტვირთოთ მზა ფლეშ ბარათები ვებგვერდიდან: LearnEnglish Kids.

უყურეთ ელიოტების ოჯახს, როგორ თამაშობენ Memory game ფლეშ ბარათების გამოყენებით, ან გადახედეთ ინტერაქტიული თამაშების ფართო არჩევანს LearnEnglish Kids-ის ვებგვერდზე.

ლექსიკის და ფრაზების ინტეგრირება

როდესაც ასწავლით თქვენს შვილს ინგლისურს სახლში, შეეცადეთ ყურადღება გაამახვილოთ მათთვის ნაცნობ თემებზე და გამოიყენეთ ფრაზები და ლექსიკა, რომლებიც მათ მშობლიურ ენაზე იცნიან საბავშვო ბაღიდან ან სკოლიდან.

ლექსიკის შესასწავლად სცადეთ  გამოიყენოთ შემდეგი:

• საჭმელი და სასმელი
• სათამაშოები
• ნომრები 1–10, 10–20 და ა.შ.   
• ფერები
• ტანსაცმელი
• ცხოველები (შინაური ცხოველები, გარეული ცხოველები, საყვარელი ცხოველები)
• ფორმები
• მარტივი ზედსართავები: ემოციები, ტემპერატურა, ზომა და სხვ.

მნიშვნელოვანია, გახსოვდეთ, რომ ბავშვებს განსხვავებული ინტერესები აქვს და ეს თქვენ სასარგებლოდ  გამოიყენოთ. შესაძლოა შეამჩნიოთ, რომ თქვენს შვილს აინტერესებს ინგლისური სიტყვების სწავლა თემაზე Batman ან Lego, და შეგიძლიათ გამოიყენოთ შესაძლებლობა, წაუკითხოთ მოთხრობები Batman-ზე ინგლისურად, ან დაწეროთ ინსტრუქციები ინგლისურად Lego-ს კონსტრუქციების ასაგებად.

კომუნიკაცია თქვენი შვილის მასწავლებელთან

თუ თქვენი შვილი ინგლისური ენის გაკვეთილებს ესწრება, სცადეთ, რეგულარულად ესაუბროთ კლასის მასწავლებელს კურსის შინაარსის შესახებ. შესაძლოა, მასწავლებელმა მოგაწოდოთ თემების, სიმღერების, მოთხრობებისა და ლექსიკის ზოგადი მიმოხილვა, რომელსაც გაივლის ბავშვი გაკვეთილებზე და რაშიც შეგიძლიათ ავარჯიშოთ სახლში ცოდნის განსამტკიცებლად.

აუცილებლად სთხოვეთ, სისტემატურად მოგაწოდოთ უკუკავშირი ბავშვის პროგრესის შესახებ ინგლისურ ენაში. თუ არის სფეროები, რომლებშიც ბრწყინვალეა, ან საგნები, რომლებიც ეძნელება, ეს ინფორმაცია შეგიძლიათ, სახლში გაითვალისწინოთ. ამით შეძლებთ, ბავშვის ყურადღება გაამახვილოთ ისეთ საგნებზე, რომლებიც კარგად არ ესმის, ამავე დროს, შეაქებთ და კიდევ უფრო დაწინაურდება იმ საგნებში, რომლებშიც ძლიერია.

საბოლოო მითითებები

ინგლისურის სწავლის თქვენს ყოველკვირეულ რუტინაში ჩართვით სწავლის პროცესი მართვადი გახდება და ჩვევად იქცევა, რამაც, უფრო სავარაუდოა, რომ მოგცეთ სწავლის პროდუქტიული შედეგები ინგლისურ ენაში. ზემოთ ნახსენები ნაბიჯების გავლა და ბავშვებისთვის ინგლისურის სწავლება თქვენც ისეთივე დადებით შედეგებს მოგცემთ, როგორც თქვენს პატარებს.

ეძებთ კიდევ უფრო ეფექტურ გზებს სახლის პირობებში ინგლისურის შესწავლის საუკეთესო გარემოს შესაქმნელად? ნახეთ როგორ სწავლობენ ბავშვები.