რა არის IELTS Online და როგორ მუშაობს?
თუ IELTS Academic ტესტის ჩაბარება გჭირდებათ, შეგიძლიათ ჩააბაროთ გამოცდა სახლიდან ან ნებისმიერი ადგილიდან საიმედო ინტერნეტ კავშირით. ტესტის ფორმატი და დრო იდენტურია საგამოცდო ცენტრში ჩაბარებული Academic ტესტისა. Speaking Test-ს ჩაატარებს კვალიფიციური IELTS გამომცდელი, ვიდეოზარის საშუალებით.
შეგიძლიათ ჩააბაროთ IELTS Online საკუთარ კომპიუტერზე ან ლეპტოპზე. IELTS Online იყენებს ადამიანისა და ხელოვნური ინტელექტის კომბინაციას ონლაინ ტესტირების დისტანციური კონტროლის უზრუნველსაყოფად.
ტესტის ჩაბარებამდე უნდა დააინსტალიროთ Inspera Exam Portal , რომელიც არის პლატფორმა, რომელზეც IELTS Online მუშაობს. ჩვენ გირჩევთ, რომ ეს გააკეთოთ ტესტირებამდე ერთი დღით ადრე, რათა დარწმუნდეთ, რომ ყველაფერი მუშაობს. პროგრამის ჩამოსატვირთად, ელექტრონული ფოსტით მიიღებთ ბმულს.
იხილეთ სასწავლო ვიდეოები, რომლებიც გაგაცნობთ IELTS Online ტესტის სხვადასხვა ასპექტს. ეს ვიდეოები მოიცავს ინფორმაციას გამოცდისთვის სამუშაო სივრცის მოწყობის შესახებ, სხვადასხვა მოდულის შესაბამისად ეკრანის პარამეტრების კორექტირებასა და ტესტირების პლატფორმის სახელმძღვანელოს.
ტესტის შედეგები
თქვენ მიიღებთ თქვენს შედეგებს ტესტის ჩატარებიდან 6-8 კალენდარულ დღეში.
აღიარება
IELTS Online ფართოდ არის აღიარებული უნივერსიტეტებისა და სხვა საგანმანათლებლო ორგანიზაციების მიერ.
დარეგისტრირებამდე, გთხოვთ, დაუკავშირდეთ მიმღებ ორგანიზაციას და დარწმუნდეთ რომ ის აღიარებს ტქვენს მიერ არჩეულ ტესტის ტიპს.
IELTS Online არ არის აღიარებული საემიგრაციო ორგანიზაციების მიერ.
ძირითადი მოთხოვნები
- თქვენ უნდა იყოთ 18 წლის ან მეტი
- მოქმედი პასპორტი (coloured)
- კარგად განათებულ ოთახი, სადაც მარტო იქნებით
- ორი საათი და ორმოცდაათი წუთი უწყვეტი დრო
- საიმედო ინტერნეტ კავშირი (რეკომენდებული ჩამოტვირთვის სიჩქარე: 2 Mbps / ატვირთვის სიჩქარე 1 Mbps)
- კომპიუტერი ან ლეპტოპი (ტესტი არ ტარდება ტაბლეტზე ან მობილურ ტელეფონზე)
- პლანშეტი ან მობილური ტელეფონი შემოწმების დროს ოთახის დათვალიერებისთვის
- Inspera Exam Portal აპლიკაცია უნდა გადმოწეროთ ტესტის დღემდე
ტექნიკური მოთხოვნები
Windows და Mac კომპიუტერების უმეტესობა შეესატყვისება IELTS Online მოთხოვნებს. გირჩევთ, შეამოწმოთ ტექნიკური მოთხოვნები IELTS Online ტესტისთვის, რაც გულისხმობს:
- ინტერნეტ კავშირის სიჩქარე
- კომპიუტერული მოდელი და ოპერაციული სისტემა
- Inspera Exam Portal პროგრამის ჩამოტვირთვა
- ინტერნეტ ბრაუზერის განახლებები.
შეამოწმეთ ტექნიკური მოთხოვნების სრული სია Take IELTS ვებ გვერდზე.
უსაფრთხოების მოთხოვნები
უსაფრთხოებას უდიდესი მნიშვნელობა აქვს IELTS გამოცდისათვის და ამიტომაც გვაქვს დამატებითი უსაფრთხოების ზომები IELTS Online გამოცდისთვის:
- პირადობის დამადასტურებელი მოწმობის შემოწმება - საიდენტიფიკაციო დოკუმენტის შემოწმება ადამიანის ამოცნობისა და სახის ამოცნობის პროგრამული უზრუნველყოფის საშუალებით.
- უსაფრთხო ონლაინ გარემო - ტესტის დაწყების შემდეგ, თქვენი ბრაუზერი დაიბლოკება და აქ გექნებათ წვდომა სხვა აპლიკაციებზე ტესტირების პლატფორმის გარდა. როდესაც ტესტი დასრულდება, IELTS Exam Portal შეგიძლია წაშალოთ.
- პლაგიატის შემოწმება - პასუხების დამახსოვრების დასადგენად
- დაკვირვება ადამიანისა და ხელოვნური ინტელექტის მეშვეობით - ტესტირების განმავლობაში მონიტორინგს გაგიწევთ კომპიუტერის კამერის მეშვეობით.
Მომზადება IELTS Online გამოცდისათვის
შეგიძლიათ გაეცნოთIELTS Online გამოცდის ფორმატს ჩვენი უფასო მოსამზადებელი და საჩვენებელი სავარჯიშოებით.
თქვენ ასევე შეგიძლიათ იხილოთ უამრავი სხვა უფასო მოსამზადებელი მასალა ჩვენს მოსამზადებელ განყოფილებაში, რაც დაგეხმარებათ მაქსიმალური შედეგის მიღებაში IELTS ტესტში.